Hlöðuvallaskáli er sameign FÍ og Laugdælahrepps.  Hann var byggður 1970 og stendur í hrauninu sunnan Hlöðufells.  Í honum er stór forstofa og svefnsalur með eldunaraðstöðu (gas-hellur).  Í svefnsalnum eru kojur fyrir 15 manns.  Vatni er safnað af þaki hússins.

Möguleiki er til margra skemmri og lengri gönguferða, s.s. á Hlöðufell, Elborgir á Lambahrauni, Kálfstind, Högnhöfða, Skriðu og Skjaldbreið auk þess sem gönguferð um Rótarsand að Brúarskörðum svíkur engan.

Margir koma gangandi að skálanum en einnig liggja jeppaslóðar frá Brunnum á Kaldadalsleið, upp frá Miðdal við Laugarvatn, upp úr Haukadalsskógi við Geysissvæðið og frá syðsta hluta Kjalvegar, ekki langt norðan Gullfoss.
Heimild:  Vefur FÍ.