Valgeirsstaðir við Norðurfjörð á Ströndum er gamalt íbúðarhús í góðu ástandi.  Það er við botn fjarðarins, rétt ofan við fallega sandfjöru.  Húsið er hitað með rafmagni. Það er tvær hæðir.  Á efri hæð eru 4 svefnherbergi, sem rúma allt að fjóra gesti.  Á neðri hæð eru fjögur herbergi, sem rúma allt að 6 gesti.  Þarna er einnig velbúið eldhús og borðstofa.  Í eldhúsinu er heitt og kalt vatn, rafmagnseldavél með ofni, örbylgjuofn og allur borðbúnaður.  Í húsinu er sturta og tvö salerni.  Verzlun er í 10 mínútna göngufæri frá húsinu og sundlaug er við Krossnes.  Skemmtilegar gönguferðir um stórbrotið umhverfið liggja á Töflu, Kálfatinda, Munaðarnesfjall og Krossnesfjall.  Lengri gönguleið liggur til Ingólfsfjarðar í kringum Strút.  Þarna er einnig gaman að fara í fjörugöngur og skoða Tröllahlaða og Bergið auk Gvendarsætis, þar sem Guðmundur biskup góði sat, þegar hann vígði Urðirnar í Norðurfirði.

Sími frá 1. júlí til 31. ágúst:  451-4017.
GPS staðsetning:  66°03.080  21°33.970.
Heimild:  Vefur FÍ.