Garðskirkja er í Skinnastaðaprestakalli í Þingeyjarprófastsdæmi. Garður er bær, kirkjustaður og fyrrum prestssetur í Kelduhverfi. Þar voru katólskar kirkjur helgaðar Maríu guðsmóður, Jóhannesi postula og Tómasi postula, Guði og öllum heilögum mönnum. Útkirkja var í Ási, en sóknirnar voru sameinaðar 1816.

Prestakallið var lagt niður til bráðabirgða 1862 og að fullu 1880 og sóknin lögð til Skinnastaðar. Kirkja, sem nú stendur á staðnum, var byggð 1890.