Bjarnarneskirkja er í Bjarnanesprestakalli í Skaftafellsprófastsdæmi.  Bjarnanes er bær, kirkjustaður og fyrrum prestsetur í Nesjum.  Katólskar kirkjur þar voru helgaðar Maríu guðsmóður.  Kirkjur stóðu þar til ársins 1911, þegar ný kirkja var vígð við Laxá í Nesjum.  Hún stóð til u.þ.b. 1965 en ný kirkja í Bjarnanesi var vígð árið 1976.  Henni, ásamt Stafafells- og Hoffellskirkjum er þjónað frá Höfn.