Hvammstangakirkja er höfuðkirkjan í Breiðabólstaðarprestakalli í Húnavatns-prófastsdæmi.  Hún var vígð 21. júlí 1957.  Húsið er úr steinsteypu og rúmar 160 manns í sæti.  Snorri Jóhannesson var yfirsmiður.  Kirkjan á m.a. Kristslíkneski á altari, sem séra Valdimar Eylands, prestur í Winnipeg, gaf kirkjunni, og merkilega skírnarskál úr messing frá 1753.  Hvammstangakirkja var útkirkja frá Melstað, sem er prestsetur.