Friðbjarnarhús er að Aðalstræti 46.  Það er opið í júlí og ágúst á laugardögum og sunnudögum kl. 13:00-17:00 (s.: 462 2035)  Fyrsta góðtemplarastúka Íslands, Ísafold, var stofnuð þar 10. janúar 1884.

Húsið er kennt við Friðbjörn Steinsson, bókbindara og bóksala.  Hann var mikill frumkvöðull ýmissa félags- og framfaramála á Akureyri og einn stofnenda stúkunnar Ísafoldar. Húsið, sem hýsir safn muna og mynda úr starfi góðtemplara, var byggt árið 1856.