 |
ferðaskrifstofan víkingaslóðir
dónársigling utanlandsferðir hópferðir,
DÓNÁRSIGLING
16
DAGAR FRÁ PASSAU TIL SVARTAHAFS OG TIL BAKA
ENGIN FERÐ 2009.
FERÐ 2010 AUGLÝST SÍÐAR!
FERÐATILHÖGUN
|
Organized
Tours |
 1.
dagur. Koma til Frankfurt og rútuferð
til þriggja fljóta borgarinnar Passau (u.þ.b. 2 klst.). MS Bellissima
liggur við bryggjuna Passau/Lindau. Áhöfnin býður okkur velkomin kl.
16:30 og svo verða landfestar leystar á tímabilinu 17:00 – 17:30.
Farþegum gefst tækifæri til að kynna sér fljótandi hótelið sitt fram
að kvöldverði.
2. dagur. Morgunverður og hádegisverður um borð. Koma til
Vínar, höfuðborgar Austurríkis, kl. 13:15. Skipið leggst að bryggju
við Wien/Nussdorf (gæti breytzt). Klukkan 14:00 hefst þriggja tíma
bæjarferð um þessa borg tónlistar og lífsgleði, sacher-tertunnar og
heuriger-vínsins. Meðal þekktra kennileita eru Stefánsdómkirkjan og
konungshöllin Hofburg. Aðalskoðunarstaðir borgarinnar eru á
dagskránni.
Brottför frá Vín klukkan 19:00. Kvöldverður og gisting um borð.
 3.
dagur. Morgunverður og hádegisverður um borð. Koma
til Búdapest, höfuðborgar Ungverjalands, kl. 12:00. Skipið leggst að
bryggju við Akademia Ponton (gæti breytzt). Á leiðinni njóta farþegar
undurfagurs landslags við Dónárhnéð og ógleymanlegrar siglingar inn í
borgina. Bæjarferðin kl. 14:00 – 18:00 nær yfir helztu skoðunarstaði
á báðum bökkum Dónar og um kvöldið kviknar ljósahaf borgarinnar.
Brottför frá Búdapest kl. 23:00. Kvöldverður og gisting um borð.
4. dagur. Morgunverður um borð. Skipið leggst að
bæjarbryggjunni (gæti breytzt). Koma til Mohacs kl. 09:00 og þá er
strax haldið í ferð til Kalocsa, þar sem gengið verður um bæinn. Hann
er kunnur fyrir ungverskan útsaum og papríkuræktun. Þá verður haldið
til Puszta, þar sem hestasýning í Solt er innifalin. Farþegar fá með
sér nestispakka frá skipinu.
Brottför frá Mohacs kl. 16:00. Kvöldverður og gisting um borð.
 5.
dagur. Morgunverður um borð. Koma til Belgrad,
höfuðborgar Serbíu, kl. 08:00. Skipið leggst að bæjarbryggjunni (gæti
breytzt). Morguninn er frjáls. Haldið verður í bæjarferð um þessa
rúmlega 1000 ára borg kl. 14:00 og snúið til skips kl. 17:00. Meðal
staða, sem verða skoðaðir, eru Kalemegdan-kastali og þjóðminjasafnið
og sebneska rétttrúnaðardómkirkjan.
Brottför frá Belgrad kl. 23:00. Kvöldverður og gisting um borð.
6. dagur. Siglt um Járnhliðið. Farþegar geta látið fara
vel um sig á sólþilfari og notið fegurðar landslagsins í þessum 130 km
langa dal Karpata- og Balkanfjalla, sem Dóná hefur grafið. Þessi
hluti leiðarinnar er einn hápunkta ferðarinnar. Járnhliðið er girt
þverhníptum fjöllum og er örugglega villtasta svæði árinnar. Árdegis
birtast meðal annars Trajan-taflan og höggmynd Dakerkonungsins
Decebal. Um hádegisbil er farið um skipaskurðinn Djerdap I í grennd
við borgina Kladovo. Seint síðdegis er komið að skipaskurðinum
Djerdap II.
Kvölverður og gisting um borð.
7. dagur. Giurgiu – Oltenita í Rúmeníu. Morgunverður og
koma til Giurgiu kl. 10:00. Skipið leggst að Karpatabryggju (gæti
breytzt). Hádegisverður um borð.
 Bæjarferð í Búkarest, höfuðborg Rúmeníu, hefst frá skipshlið kl. 13:30
og lýkur þar kl. 17:00. Þar verða nokkrar stórkostlegar byggingar
skoðaðar. Meða þeirra er Lýðveldishöllin (Ceaucescu-tíminn), kirkja
og höll patríarka rúmensku rétttrúnaðarkirkjunnar. Breiðstræti
borgarinnar eru fáum öðrum lík. Skipið siglir á meðan til Oltenita,
þar sem farið verður um borð og siglt áfram kl. 19:00.
Kvöldverður og gisting um borð.
8. dagur. Morgunverður og hádegisverður um borð. Koma til
Sulina – Tulcea í árósunum í Rúmeníu kl. 12:30. Haldið til baka til
Tulcea og komið þangað kl. 17:00. Frjáls tími til brottfarar kl.
23:00. Kvöldverður og gisting um borð.
9. dagur. Morgun- og hádegisverður um borð. Koma til
Cernavoda um hádegisbil. Skipið leggst að Karpatabryggju (gæti
breytzt). Frjáls tími til skoðunar í Cernavoda. Brottför kl. 18:00.
Kvöldverður og gisting um borð.
10. dagur. Morgun- og hádegisverður um borð. Koma til
Rousse í Búlgaríu kl. 08:30. Frjáls tími til skoðunar í stærstu
hafnarborg landsins og jafnframt hinnar fimmtu stærstu. Rousse er
ekki einungis iðnaðar- og landamæraborg við Rúmeníu, heldur einnig
menningarmistöð héraðsins.
 Það er gaman að kíkja á súlnahof
baráttumanna endurfæðingarinnar, kirkju heilagrar þrenningar og
mannfræðisafnið áður en skipið heldur áfram síðdegis kl. 14:00.
Kvöldverður og gisting um borð.
11. dagur. Morgun- og hádegisverður um borð. Siglt um
Járnhliðið. Kvöldverður og gisting um borð.
12. dagur. Morgun- og hádegisverður um borð. Koma til
Novi Sad í Serbíu kl. 14:00. Skipið leggur að borgarbryggjunni (gæti
breytzt). Bæjarferð um Novi Sad frá kl. 14:00 – 17:30. Miklar minjar
um fyrri herraþjóðir, Austurríkismenn og Ungverja, í byggingarstíl.
Eitthvert stærsta virki Evrópu og kennileiti borgarinnar er
Petrovaradin.
Brottför frá Novi Sad kl. 18:00. Kvöldverður og gisting um borð.
 13.
dagur. Morgun- og hádegisverður um borð. Koma til
Mohacs kl. 06:00 og brottför kl. 09:00. Kvöldverður og gisting um
borð.
14. dagur. Morgun- og hádegisverður um borð.
Koma til Komarom kl. 08:00. Ekki hægt að fara frá borði, því
skipið dvelur aðeins til kl. 09:00 og heldur svo áfram til Bratislava.
Þangað kemur það kl. 16:00 og leggst að Huma-bryggju (gæti breytzt).
Þá verður haldið í tveggja tíma göngu um miðbæinn, fyrst um L’ucovít
Stúr-torg (fyrrum Krýningartorg) til Þjóðleikhússins við
Hviezdoslav-torg. Áfram um breiðgötuna og fram hjá dómkirkju heilags
Marteins í hinum sögulega kjarna borgarinnar, þar sem ungversku
konungarnir voru krýndir.
Gömlu og sögufrægu stígarnir liggja um gamla bæinn, þar sem er fjöldi
hallna frá 18. öld. Þar er fyrsti háskóli borgarinnar, Academia
Istropolitana og Mikaelshliðið frá 14. öld. Við aðaltorgið eru m.a.
gamla ráðhúsið, Maximilian-brunnurinn (16. öld), hallir, hús í
júgendstíl, fjöldi veitingastaða og hið sögufræga Mayer-bakarí. Þaðan
liggja þröngar götur í átt að Dóná, framhá óperunni,
Ganymedes-brunninum og Redouten-byggingunni áður en komið er aftur að
skipinu.
 Farþegar, sem eiga erfitt með gang, geta ekið um í skemmtilest gegn
fimm evru greiðslu. Þessi lest ekur til hallarinnar með
leiðsögumanni. Þar gefst kostur á stuttum göngutúr. Lestin kemst
ekki inn í miðbæinn, þar sem aðeins gönguskoðun er möguleg.
Brottför frá Bratislava kl. 20:00. Kvöldverður og gisting um borð.
15. dagur. Morgun- og hádegisverður um borð. Koma til
Dürnstein kl. 09:00. Skipið leggst að bryggjunni Dónárstöð 21 (gæti
breytzt). Rútuferð til Melk, þar sem klaustrið er skoðað með leiðsögu
kl. 10:05. Leiðsaga á norsku er í boði.
Benediktsklaustrið í Melk er aðalkennileiti Wachau og er á
heimsminjaskrá UNESCO. Gríðarstórar byggingar klaustursins eru
hliðið að Wachau. Skipið siglir á meðan til Melk og eftir velheppnaða
skoðunarferð stefnir skipið á Passau kl. 13:00. Sérstakur
kveðjukvöldverður í boði skipstjórans og gisting um borð.
 16.
dagur. Morgunverður um borð. Brottför með rútu frá
skipi til flugvallarins í Frankfurt kl. 09:00. Þar lýkur
Dónárævintýrinu, en þegar heim kemur, er rútuferð til Reykjavíkur
innifalin.
Verð
á mann:
Gisting í tveggja manna káetu á aðalþilfari ikr.
392.672.-
Gisting í tveggja manna káetu á efraþilfari ikr.
419.072.-
Gisting í einsmanns káetu á aðalþilfari ikr.
510.844.-.
Verð miðast við evrugengi kr. 120.-.
Innifalið í ferðinni:
Flug og flugvallarskattar, Keflavík- Frankfurt-Keflavík.
Akstur frá flugvelli til Passau að skipi og til baka til Frankfurt
Fimmtán nátta ferð með MS Bellissima í reyklausum tveggja manna káetum
í samræmi við bókun.
Fullt fæði, morgunverðarhlaðborð, hádegis- og kvöldmatur, sem hefst
með kvöldverði og fordrykk fyrsta kvöldið um borð og endar með
morgunverði síðasta daginn.
Galakvöldverður eitt kvöldið.
Tónlist í setustofu á hverjum degi .
Hafnagjöld.
Leiðsögumaður - leiðsaga á íslenzku.
Læknir um borð í skípunu.
Skoðunarferðir: Bæjarferð í Wien, Bæjarferð í
Búdapest, Gengið um Mohacs, Bæjarferð um Belgrad.
Bæjarferð í Búkarest, Bæjarferð um Novi Sad, Gengið um
miðbærinn Bratislava, Rútuferð til Melk.
Íslenzk fararstjórn
Rútuferðir til og frá Keflavíkurvelli fyrir brottflug og
eftir heimkomu innifaldar.
Nauðsynlegt að vita:
Skipuleggjendur ferðar áskilja sér rétt til breytinga dagskrár og
lendingarstaða verði það nauðsynlegt.
Í heilsdagsferðum fá farþegar nestispakka með sér frá skipinu.
Læknisþjónusta um borð er veitt gegn gjaldi.
Drykkir og þjórfé um borð eru ekki innifalin í verði ferðar.
Farþegar verða að hafa með sér gilt vegabréf.
Farþegar verða að fylla út eyðublöð með upplýsingum um nafn,
klefanúmer, kyn, fæðingardag og ár, fæðingarstað, þjóðerni,
vegabréfsnúmer, gildistíma vegabréfs, útgáfustað og dagsetningu.
Víkingaslóðir áskilja sér rétt til breytinga verðs í samræmi við
gengi.
|
