Álftavatn er stöðuvatn við Miðveg á svokölluðum Laufaleitum. Það er alldjúpt og talsverður silungur er í því eftir sleppingu fyrir nokkrum áratugum.

Álftir voru veiddar á vatninu, þegar   þær voru í sárum. Árið 1838 var þeim hætt eftir að Benedikt bóndi í Fljótsdal drukknaði við veiðarnar. Hann var á sundreið á eftir þeim, þegar slysið varð. Tveir skálar Ferðafélags Íslands, sem rúma allt að 58 manns í kojum, eru við austurenda vatnsins. Annar þeirra er ætlaður göngufólki á leiðinni milli Landmannalauga og Þórsmerkur (Laugavegurinn).
Mynd: Skálar FÍ

Markarfljót 10 km <Álftavatn> Mælifellssandur 7 km.