Álftavatnskrókur er daverpi með nokkrum tjörnum milli Svartahnúksfjalla og Eldgjár í vestri og Bláfjalls í austri.  Leiðin um hann liggur á milli Hólmsár og Brytalækja í suðri og Landmannaleiðar litlu austan Eldgjár í norðri.  Þessi leið er ekki fær nema vel búnum jeppum og stórum bílum, þótt nokkrar vegabætur hafi verið gerðar.  Um þessar slóðir liggur hluti vinsællar göngu- og reiðleiðar og þarna er gamall leitarmannakofi við Álftavötn.  Nýr og góður skáli til gistingar er þar einnig.

Ferðamenn eru beðnir um að virða bann við akstri og reið utan vega og slóða!