Brú er efsti bær í Jökuldal og einhver landstærsta jörð landsins, rétt vestan Jökulsár á Brú.  Þar var bænhús til 1892, þegar kirkja bar byggð, en hún var flutt að Eiríksstöðum 1912.  Kláfferja var þar yfir Jöklu þar til brúin var byggð 1953 og vegasamband komst á við Hrafnkelsdal.
Jeppavegir liggja vítt og breitt um hálendið frá Brú, m.a. vegur að Sænautavatni og upp á gamla þjóðveginn.  Þá liggjur slóð beint áfram á Kverkfjallaveg.  Syðri leiðin liggur um Laugarvalladal meðfram Hafrahvammagljúfrum og vestur um Brúaröræfi að Grágæsadal og brúnni á Kreppu.

Árið 1494 flúði allt fólkið pláguna og settist að í Dyngju í Arnardal í eitt ár og síðan næstu tvö árin í Netseli við Ánavatn.  Þáverandi bóndi, Þorsteinn jökull, var mikill ættstólpi.  Veðurstöð var sett upp að Brú árið 1957.