Dettifoss er öflugasti foss Evrópu. Hann er 44 m hár og um 100 m breiður. Ofan hans er Selfoss, 10 m hár, og neðan hans er Hafragilsfoss, 27 m hár. Flestir koma að Dettifossi austan Jöklu vegna þess að vegurinn um Hólssand er betri en vestan ár. Hvorum megin sem komið er að fossinum, verður að fara með gát.

Að austanverðu er stígurinn niður stórgrýttur og þar hafa orðið mörg slys, þegar fólk hefur ekki séð fótum sínum forráð. Að vestanverðu eru grasbrekkur, sem verða mjög hálar í bleytu. Leiðin frá Dettifossi að Selfossi er u.þ.b. 1 km og auðvelt að komast þangað gangandi.  Bezt er að aka niður að Hafragilsfossi, sem er ekki síður áhugaverður en Dettifoss, hvað varðar umhverfi, jarðfræði og sögu. Hugmyndir voru uppi um virkjun vatnsaflsins í gljúfrunum, en þær strönduðu á því, að hraunlögin eru of gropin til að halda vatni í uppistöðulóni.

Full ástæða er að fara með varúð um stíginn að austanverðu og niðri á brúnum gljúfursins við fossinn minnug dauðaslyssins í ágúst 2000.