Grísatungufjöll (736m) er fjallgarður í Suður-Þingeyjarsýslu, norðan vegarins um Reykjaheiði og Höskuldsvatns.  Þrír atgeirar fundust þar í gili haustið 1965 (Þjóðminjasafn).  Hinn lengsti var 2,3 m langur.  Slík vopn voru notuð í Evrópu frá 14. til 17. aldar og líkur benda til þess, að þau hafi borizt til landsins á þessu tímabili.  Áður hafði aðeins einn atgeir fundizt hérlendis (Vatnskarð 1868).