Haukadalur í Dalasýslu er talsvert breiður og grösugur dalur á milli Miðdala og Laxárdals. Haukadalsvatn er eina stöðuvatnið í sýslunni, mjög djúpt, mjótt og 4 km langt. Þar er nokkur silungsveiði og afrennsli þess, Haukadalsá, er þekkt laxveiðiá.

Miklir skógar, sem voru í dalnum, eru að mestu horfnir. Þjóðtrúin segir, að ekki megi hreyfa við einu skógartorfunni, sem er eftir norðan við vatnið. Alfaraleið var um Haukadalsskarð til Norðurlands. Frá bænum Hamri í sunnanverðum dalsins sést ekki til sólar í 25 vikur á ári.

Kunnasti sögustaður dalsins er Eiríksstaðir, þar sem Eiríkur rauði bjó, og annar, kunnur af endemum, Jörfi, þar sem Jörfagleðin var haldið.