Jökulfall er líka kallað Jökulkvísl.  Upptök þess eru nokkrar kvíslar úr Hofsjökli og vestust er Blákvísl í Blágnípuveri, sem fellur í Jökulfallið hjá Gýgjarfossi.  Innri-og Fremri-Árskarðsár falla í það.  Vatnasviðið er u.þ.b. 380 km² og meðalrennslið 25-30 m³/sek austan Tangavers.

Áin er brúuð á leiðinni til Kerlingarfjalla og undir brúnni er fossinn Hvinur.  Jökulfallið sameinast Hvítá skammt neðan Hvítárvatns.