Litla kaffistofan í Svínahrauni stendur á mörkum gömlu og nýju þjóðleiðarinnar yfir Hellisheiði.  Þar njóta margir góðra veitinga allt árið og þakka sínum sæla fyrir skjólið í vondum veðrum á veturna.  Ekki þarf vont veður til, því viðurgerningur er góður og viðmót gott.  Margir leita þangað á góðviðrisdögum á veturna með snjósleða sína eða gönguskíði og njóta útiveru og umhverfis.