Lokinhamradalur, vestast í norðanverðum Arnarfirði, er hömrum girtur nema til vesturs og meðal afskekktustu byggðra bóla landsins.  Þangað og þaðan ferðast fólk fótgangandi eða í jeppum eftir tæpri slóð.  Þarna nýtur sumarfagurt, vestfirzkt landslag sín til fullnustu í svotil undirlendislausu en velgrónu umhverfi.

Draugarnir Lokinhamra-Skotta, Stutta-Gunna, Arnarnúps-Móri og Gunnhildur á Sveinseyri voru þarna á sveimi og hinn síðastnefndi líklega enn þá.  Náttskessan Kerling varð að steini í Grísavík í dagrenningu.  Guðmundur G. Hagalín, rithöfundur, fæddist þar um aldamótin 1900.

Nú eru tveir bæir, Hrafnabjörg og Aðalból, í dalsmynninu.  Lokinhamrar eru í eyði.  Fólkið í dalnum byggði afkomu sína á sjónum og veiddi aðallega þorsk og hákarl frá Grísavík, þar sem enn sést til rústa verbúða.