Marteinsflæða (Hitulaug) er norðan Gæsavatna og um hana liggur jeppaslóð alla leið niður í Bárðardal austan Skjálfandafljóts.  Þetta svæði skiptist í Syðri- og Ytri-Hitulaug, sem eru á afrétti Bárðdælinga.  Meira vatn, 30-40°C heitt, kemur upp um sprungu í syðri laugina, rétt sunnan Marteinsflæðu.  Baldur Sigurðsson á Akureyri setti dínamíttúpu í sprunguna og útkoman varð ágætisbaðlaug.  Ytri laugin er við vesturjaðar Laufrandarhrauns, sem er talið aðalvarpstaður snjóuglunnar hérlendis.