Múlatungur eru milli Tungnakvíslar að austan og Hrunár að vestan.  Þær láta lítið fyrir sér fara miðað við hina afréttina á svæðinu sunnan Krossár.  Þær eru minni en Teigstungur en landslagið er svipað.  Goðalandsjökull nær niður í skörðin og Hrunárjöklarnir steypast fram af brúnum.  Múlatungur draga nafn sitt af Eyvindarmúla í Fljótshlíð, sem átti þar beitarrétt.