Stóra- og Litla-Sandvík eða Sandvíkur eru sunnan Hafnabergs á Reykjanesi.  Þar er vinsæll áningarstaður ferðafólks á leið um utanvert Reykjanes.

Sumarið 2005 var Sandvík vettvangur töku kvikmyndarinnar „Flags of our fathers", sem Clint Eastwood kostaði.  Næstum þriðjungur myndarinnar var tekinn þar á rúmum mánuði.  Clint og lið hans fór úr landi 8. september og strax var tekið til við lagfæringar á landslaginu.  Kvikmyndin fjallar um innrás Bandaríkjamanna á Iwo Jimo í síðari heimsstyrjöldinni.  Hún var mjög mannskæð og mikilvæg vegna aðstöðu flugvallarins, sem kom Bandaríkjamönnum í fluggrennd við Japan.