Náttúrufegurð er mikil á Stokkalæk. Lækurinn, sem bærinn dregur nafn sitt af, rennur í afar fögru gili, þar sem náttúrulegir hraunfossar gleðja augað  á öðrum bakkanum en melar og klettar prýða hinn bakkann.  Vatnsdalsfjall, Þríhyrningur og Tindfjöll mynda umgjörð um þessa vin  við hálendisjaðarinn. Skyggnir er útsýnisstaður við túnjaðarinn á bænum  og þaðan má líta jafnt fagra fjallasali sem sælan sveitablóma.