Meðfram ströndinni utan Mýra eru mörg hraunsker og klettar og því hættulegt að sigla þar.  Þarna hafa mörg skip og bátar strandað.  Hið frægasta var rannsóknarskipið Pourquoi pas, sem fórst í fárviðri á leið frá Reykjavík norður í Íshaf hinn 16. september 1936.  Leiðangursstjóri um borð var Dr. Charcot.  Alls skolaði 39 líkum á land.   Eugene Gonidec, þriðji stýrimaður, var hinn eini, sem komst af með hjálp Kristjáns Þórólfssonar frá Straumfirði.  Kvikmyndin Svo á jörðu sem á himni" var samin um þetta efni. Fuglalíf er mjög fjölbreytt og tæplega 30 tegundir fugla verpa við fjörðinn.

Sumarið 2006 var opnuð safnasýning í Borgarnesi á munum úr skipinu.  Flakið er friðlýst, en ýmsir munir hafa fundizt á fjöru og einnig hefur verið kafað niður að því.