Þelamörk er í austanverðurm Hörgárdal, niður frá Bægisá.  Þjóðvegurinn liggur um Moldhaugnaháls, sem er austan hennar, og þaðan hækkar landslægið upp í Vindheimajökul (1454m).  Stallarnir í hlíðinni eru allt að 100 m ofan dalbotnsins og nyrzti hluti þeirra heitir Laugalandsheiði.  Laugaland er forn kirkjustaður og þar er jarðhiti eins og nafnið bendir til.  Á árunum 1943-45 var byggð sundlaug við túnfótinn og heimavistarskólinn (Þelamerkurskóli) þar var opnaður 1965.  Hann hefur verið notaður sem sumarhótel í áratugi.  Stór skógræktargirðing var sett upp í landi Vagla á Þelamörk.  Þaðan fá Akureyringar neyzluvatn sitt.