Árnes er samheiti fyrir eyju í Þjórsá, félagsheimili, byggð í kringum það og skóla við veginn áleiðis til Gaukshöfða, Þjórsárdals og Búrfells í Gnúpverjahreppi. Á eyjunni var áður þing sýslunnar, sem dregur nafn af henni, en hún var landföst áður en kvísl úr Þjórsá sló sér austur fyrir hana. Enn þá sjást merki um mannvirki þar, sem líkjast dómhring og örnefnin Þinghóll og Gálgaklettar styrkja þessa kenningu. Í vesturkvíslinni, sem er vatnslítil, er Hestafoss og í meginkvíslinni, hinni austari, er Búðafoss eða Búði við efsta hluta Árnessins. Þar eru margar búðatóttir. Eyjan hefur blásið mikið upp og er ekki nytjamikil.  Minjar þar eru friðlýstar. Skemmtileg og falleg hliðarleið liggur upp frá byggðinni, norðan Miðfells og tengist aðalveginum aftur á móts við Hagaey í Þjórsá. Skammur vegur er þaðan til Gaukshöfða og Þjórsárdals.

Vegalendin frá Reykjavík er 99 km.

Flúðir 24 km <Árnes> Laugarás 19 km, Sigalda 64 km.
.

Hótel Gistihús	Bænda- gisting	Farfugla- heimili	Tjald svæði	Sumar hús	Matsala	Bankar	Söfn	Áhugav. staðir	Sund laugar
Upplýs ingar	Golf vellir	Veiði staðir	Hesta leigur	Báts ferðir	Snjó sleðaf.	Flug vellir	Áætlunar bílar	Bíla leigur	Benzín- stöðvar