Blönduós er kaupstaður, sem liggur beggja vegna ósa Blöndu.  Hillebrandtshúsið var upphaflega byggt á Skagaströnd (Höfðakaupstað) árið 1733 og flutt til Blöndóss og endurreist þar árið 1878.  Það var endurbyggt í upphaflegri mynd sem vöruhús skömmu fyrir aldamótin 2000.  Það hýsir nú Hafíssetrið, sem var stofnað árið 2006.   Grózkumikil þjónusta við nágrannasveitir og ferðamenn er á Blönduósi.  Verzlun, léttur iðnaður og sláturiðnaður eru uppistaðan í atvinnulífinu, en útgerð og fiskvinnsla eykst smám saman þótt höfnin sé lítil.  Brú er yfir Blöndu og rétt ofan við hana er Hrútey , sem var friðlýst sem fólkvangur árið 1975.

Hér ættu flestir ferðamenn að finna eitthvað við sitt hæfi og er ferðaþjónusta eykst að mikilvægi.  Gott og snyrtilegt tjaldsvæði blasir við á bökkum Blöndu norðan Hrúteyjar, þegar ekið er inn í bæinn.  Laxveiði er við bæjardyrnar, í Blöndu.  Stutt er í aðrar laxveiðiár og góð silungsveiði er í nærliggjandi ám og vötnum.

Vegalengdin frá Reykjavík er 244 km um Hvalfjarðargöng.

Laugarbakki 56 km, Skagaströnd 23 km, Vötn á skaga <Blönduós> , Varmahlíð 51 km, Sauðárkrókur um Norðurárdal (744) 50 km.
.

Hótel Gistihús	Bænda- gisting	Farfugla- heimili	Tjald svæði	Sumar hús	Matsala	Bankar	Söfn	Áhugav. staðir	Sund laugar
Upplýs ingar	Golf vellir	Veið istaðir	Hesta leigur	Báts ferðir	Snjó sleðar.	Flug vellir	Áætl. bílar	Bíla leigur	Benzín- stöðvar