Gvendareyjar eru úti fyrir Skógarströnd.  Þar bjó Þormóður Eiríksson, sem var uppi á árunum 1668-1741.  Hann var talinn vera ákvæðaskáld og vita meira en nef hans var langt og fékk sess meðal mestu galdramanna landsins í þjóðtrúnni.  Hann var m.a. talinn lærimeistari Galdra-Lofts.  Margir fjandsamlegir kollegar hans mögnuðu honum sendingar, sem hann magnaði upp til höfuðs óvinum sínum eða kom fyrir.  Hann var sagður hafa látið púka róa bát sínum til fiskjar.