Sprungusveimur Dyngjuháls er lítt kannaður en er talinn vera u.þ.b. 10 km breiður og 25-50 km langur um Trölladyngju allt að Dyngjufjöllum.  Hann teygist undir vesturhluta Dyngjujökuls í átt að Bárðarbungu. Eftir hálsinum endilöngum liggja e.t.v. átta gígaraðir, þannig að þetta litla svæði mun vera hið eldbrunnasta á landinu.

Eldsprungurnar á Dyngjuhálsi eru 5-10 km langar og framhald þeirra er að finna norðan Trölladyngju.  Frá þessum sprungum hafa runnið hraun suðvestur í Vonarskarð og norður með Skjálfandafljóti niður í Marteinsflæðu og Hraunárdal.  Mest ber á stórum og smáum gjallgígum.  Athuganir hafa leitt í ljós öskulög frá þessu svæði víða um land, þannig að hægt er að skjóta stoðum undir eldvirkni á nútíma og sögulegum tíma.

Gígurinn Kattarbúðir á myndinni hér að ofan hvarf, þegar Dyngjujökull gekk fram í kringum 1980.  Baldur Sigurðsson frá Akureyri, sem gerði út snjóbíla frá Gæsavötnum bjó í tjaldi inni í honum áður en byggingu skálans við Gæsavötn lauk.
Mynd: Gígurinn Kattarbúðir (horfinn).
Meira