|
 Gjögur er fyrrum fræg veiðistöð við
mynni Reykjarfjarðar, einkum vegna hákarlaveiði á 19. öld. En
þaðan fóru oft um 15 skip til hákalaveiða samtímis. Nú er engin ábúandi
á Gjögri nema sumardvalarfólk. Norður af Gjögri er Finnbogastaðir en þar er gistaðstaða
fyrir ferðamenn á sumrin. Kaupfélag Strandamanna er með útibú í Norðurfirði
við Trékyllisvík. Vegakerfið á Ströndum endar við bæina Fell, Munaðarnes
og niðri í Ingólfsfirði, þótt hægt sé að brölta vegleysu,
víða í fjöruborðinu, inn í
Ófeigsfjörð. Reglubundið póstflug er til Gjögurs og eru það einu
samgöngurnar yfir vetrarmánuðina.
Viðarreki hefur ætíð verið mikill á Ströndum og verið
talinn til mikilla hlunninda (sjá nánar). Á
Djúpavík er rekið hótel og þar er að finna
fjölbreytta afþreyingu fyrir ferðamenn. Í hótelinu eru átta tveggja manna
herbergi með handlaugum og tvö fjögurra manna herbergi. Hótelið
er opið allt árið. Vegalengdin frá Rvík til Djúpavíkur er 360
km, u.þ.b. 85 km frá Hólmavík og 18 km frá Gjögri. Nánar um Gjögur og Djúpavík
undir áhugaverðir staðir hér til hliðar.
Gjögur
18 km
<Djúpavík>
Drangsnes
37 km.
.
|
