Gullfoss í Hvíta hefur af mörgum verið talinn einn fegursti foss veraldar. Hér má með sanni segja að sjón sé sögu ríkari því orð geta vart lýst þeim hughrifum sem fólk verður fyrir þegar komið er að Gullfossi. Margar sögur, sannar og skáldaðar, hafa orðið til í kringum fossinn en merkilegust er þó saga heimamanna þeirra, sem börðust gegn því af alefli, að fossinn yrði seldur erlendum aðilum til virkjunar. Geysir í Haukadal er talinn stærsti goshver í heimi og í mörgum tungumálum nefnast goshverir almennt eftir honum (geysir - geyser). Geysir hefur að mestu verið í hvíld frá aldamótunum 1900 en hæstu gos hans á árum áður hafa mælst um 80 metrar.

Eftir jarðskjálftanna sumarið 2000 hefur Geysir gosið nokkrum gosum og vatnsflæði jókst verulega úr öðrum hverum.

Umhverfis Geysi eru fjölmargir minni goshverir og er Strokkur þeirra stærstur en hann gýs reglulega. Við Geysi er Haukadalsskógur sem hefur verið í ræktun í marga áratugi og um hann eru margar skemmtilegar gönguleiðir. Allsérstakt hótel er við Geysi og sund og önnur baðaaðstaða er til fyrirmyndar. Margir aðilar í ferðaþjónustu bjóða daglegar ferðir til Gullfoss og Geysis árið um kring.

Gönguleiðir í nágrenni Geysissvæðisins eru aðallega í Skógræktinni í Haukadal og þaðan liggja leiðir upp á fjöll, hvort sem er til austurs yfir Kjöl, eða til vesturs að Brunnum við vegamót Kaldadalsvegar og Uxahryggja.  Margir ganga með gljúfri Hvítár að Gullfossi og sumir hefja Kjalargöngu þaðan.

Vegalengdin frá Reykjavík að Gullfossi er 125 km.

Reykholt 24 km <Gullfoss> Laugarvatn 38 km Selfoss um Skeið 71 km. Hvítárnes á Kjalvegi 45 km.
.

Hótel Gistihús	Bænda- gisting	Farfugla- heimili	Tjald svæði	Sumar hús	Matsala	Bankar	Söfn	Áhugav. staðir	Sund laugar
Upplýs ingar	Golf vellir	Veiði staðir	Hesta leigur	Báts ferðir	Snjó sleðaf.	Flug vellir	Áætl. bílar	Bíla leigur	Bensín- stöðvar