|
 Heydalur við Mjóafjörð er
vinsæll áningarstaður þeirra, sem eiga leið um Djúpið. Umhverfið skartar
mikilli náttúrufegurð og er fjölsótt af ferðamönnum. Reykjanes er mjór skagi
milli Reykjafjarðar og Ísafjarðar. Þar er rekin ferðaþjónusta og
hótel. Reglulegar bátsferðir eru frá Ísafirði.
Tiltölulega stutt er
í góðar laxveiðiár og veiðivötn og má t.d. nefna Laugadalsá og Langadalsá.
Veðursæld er mikil í Mjóafirði, þar sem náttúrunnendur geta valið úr
fjölmörgum gönguleiðum, farið í fjöruskoðun og baðað sig í heitum laugum,
sem eru víða um Djúpið. Árlega er haldin fjölskylduhátíð í Djúpmannabúð.
Galtahryggslaug. Leiðin að lauginni liggur
fram hjá Djúpmannabúð, um 1,9 km eftir þokkalegri
slóð. Hún er niðurgrafin og stífluð með
jarðefni. Lítill búningsklefi er við laugina.
Líklega er hann aðeins til einkanota. Stærð
laugar um 3 x 2 x 0,5 m. Vatnshiti er 41°C og sýrustig
(pH) 10,1 . Rennsli er 0,2-0,3 l/sek.
Í Heydal
og á Reykjanesi er rekin hótelþjónusta allt árið.
Vegalengdin frá Reykjavík er 320 km um
Hvalfjarðargöng, 47 km frá Hólmavík og 137 km frá Ísafirði.
Súðavík
113 km
<Heydalur-Reykjanes>
Hólmavík 89 km.
.
|
