Við getum kallað Ísafjörð höfuðstað Vestfjarða, þar sem lífið snýst eiginlega eingöngu um fiskveiðar og fiskvinnslu. Sigling með sérútbúnum sjóstangaveiðibátum í hinu ótrúlega fagra landslagi Djúpsins er ævintýri út af fyrir sig, svo ekki sé talað um gjöful fiskimið. Það er hægt að leigja þessa báta til sérstakra skoðunarferða í Jökulfirði, Ísafjarðardjúp og á Hornstrandir. Aflinn er eign veiðimannanna. Ísafjörður er 494 km frá Reykjavík um Hvalfjarðargöng. Flugtíminn frá Reykjavík er u.þ.b. 45 mín.