|
 Kópasker
er kauptún við austanverðan Axarfjörð (Öxarfjörð) og eini þéttbýliskjarninn
í Öxarfjarðarhreppi. Þarna
var löggildur verzlunarstaður um 1880.
Kauptúnið fór að byggjast eftir 1910 og byggir tilvist sína á
þjónustu við landbúnaðinn í nágrannsveitunum og fást unnar kjötvörur
þaðan víða um land. Nokkur
útgerð er frá Kópaskeri og gistihús og farfuglaheimili eru á staðnum.
Stutt er til margra áhugaverðra staða
frá Kópaskeri, s.s. Húsavíkur og
Mývatns, og Jökulsárgljúfur, sem teljast með merkustu náttúruperlum landsins,
eru nærri. Árið
1976 urðu jarðhræringar í Kelduhverfi og urðu töluverðar skemmdir
á mannvirkjum á Kópaskeri.
Landsig varð í Kelduhverfi, myndaðist
þá Skjálftavatn, sem er með stærstu vötnum landsins (11 km²).
Jarðskjálftar, allt að 4,1 á Richter, með miðju í Öxarfirði,
skóku Kópasker 18. sept. 2001 og varð vart alla leið til Akureyrar.
Vegalengdin frá Reykjavík er 581km um Hvalfjarðargöng.
Húsavík
100
km. <Kópasker>
Raufarhöfn um
Öxafjarðarheiði 91 km, um
Melrakkasléttu 55 km, Þórshöfn
98
km.
.
|
