Búðareyri er kauptún innst við norðanverðan Reyðarfjörð og nefnist nú einfaldlega Reyðarfjörður. Frá náttúrunnar hendi eru mjög góð hafnarskilyrði við Reyðarfjörð og er því útgerð og fiskvinnsla uppistaðan í atvinnulífi staðarins. Sunnan fjarðar er eyðibýlið Hrúteyri.  Þar og á Holtastaðaeyri höfðu Norðmenn höfuðstöðvar sínar fyrir síldarútveg 1883-1890.  Þá var fjörðurinn fullur af síld og verzlun á Hrúteyri. Hafnarskilyrðin ollu því, að Bretar hernámu Reyðarfjörð í síðari heimstyrjöld og höfðu þeir þar fjölmennt setulið og finnast stríðsminjar víða. Unnið er að kortlagningu minjanna og hefur þar nú verið opnað stríðsminjasafn.Við bæinn er lítil tjörn - Andapollurinn - og er eldislaxi sleppt þar í reglulega og fást keypt leyfi til að veiða laxinn.

Við Andapollinn eru og tjaldstæði Reyðfirðinga en hótel, gistiheimili, farfuglaheimili og veitingastaðir eru inni í sjálfum bænum. Tilkomumikið útsýni er frá Grænafelli en þar er mjög gróðursælt og liggur merkt gönguleið um kjarri vaxna hlíðina upp á fellið. Við fellið er góð aðstaða til  íþrótta og útivistar. Vegalengdin frá Reykjavík er 677 km um suðurströndina.

Eskifjörður 15 km <Reyðarfjörður> Fáskrúðsfjörður 21 km. Egilsstaðir 34 km.
.

Hótel Gistihús	Bænda- gisting	Farfugla- heimili	Tjald svæði	Sumar hús	Matsala	Bankar	Söfn	Áhugav. staðir	Sund laugar
Upplýs ingar	Golf vellir	Veiði staðir	Hesta leigur	Báts ferðir	Snjó sleðaf.	Flug vellir	Áætl. bílar	Bíla leigur	Bensín- stöðvar