Þegar ekið er niður þjóðveg 1 til austurs um Stóra-Vatnsskarð er komið í Varmahlíð í hlíðum Reykjarhóls.  Þar er upplýsingaþjónusta fyrir ferðamenn.  Jarðhiti er mikill á þessu svæði.  Hann er nýttur til ylræktar, húshitunar og sundlaugar.   Skógrækt er  stunduð í vaxandi mæli (Reykjarhólsskógur).

Árið 1931 hófst þar gisti- og veitingaþjónusta, sem hefur aukizt meö árunum. Varmahlíð er skólasetur með aðsetri náttúrgripasafns Skagafjarðar. Stutt er í byggðasafnið að Glaumbæ.  Það er upplagt að nýta Varmahlíð sem miðstöð skoðunarferða um nágrennið.  Ferð í kringum Skaga tekur lungann úr deginum.  Þá er farið um Laxárdal að Ketubjörgum , fram hjá Hrauni á Skaga, um Kálfshamarsvík og Skagaströnd (Kántríbæ).  Þá er hægt að taka stefnuna austur á bóginn um Hóla í Hjaltadal, Hofsós (Vesturfarasetrið  og pakkhúsið), líta inn á Sölvabar að Lónkoti og skoða tjald galdramannsins og snúa við á Siglufirði, sem státar af Síldarminjasafninu.
» Lesa meira

Vegalengdin frá Reykjavík er 296 km um Hvalfjarðargöng.

Hveravellir Kjalvegi 108 km,  Blönduós 51 km. <Varmahlíð> Sauðárkrókur 24 km. Hofsós 48 km, um Blönduhlíð. Akureyri 94 km. Laugafell um Vesturárdal (F-752) 93 km.
.

Hótel Gistihús	Bænda- gisting	Farfugla- heimili	Tjald svæði	Sumar hús	Matsalu stðir	Bankar hraðb.	Söfn gallerí	Áhugav. staðir	Sund laugar
Upplýs ingar	Golf vellir	Veiði staðir	Hesta leigur	Báts ferðir	Snjó sleðaf.	Flug vellir	Áætl.- bílar	Bíla leigur	Bensín- stöðvar