Vestmannaeyjar - perlan í hafinu - eru eyjaklasi suður af landinu. Eyjarnar eru  15 eða 16.  Surtsey er syðst en Elliðaey nyrzt. Surtsey varð til i miklu neðansjávargosi, sem hófst árið 1963 og lauk 1967. Heimaey er stærst eyjanna og þar er Vestmannaeyjakaupstaður.

Eldgos hófst á Heimaey 23. janúar árið 1973 og eyðilagði og/eða skemmdi u.þ.b. 40% af öllum húsum bæjarins.  Vestmannaeyjar hafa verið næstmikilvægasta verstöð landsins til fjölda ára og byggist afkoma heimamanna að mestu leyti á fiskvinnslu og útgerð. Fræg er þjóðhátíð Eyjamanna, sem haldin er ár hvert um verzlunarmannahelgi og dregur til sín fólk alls staðar að af landinu

Góðar samgöngur eru við Eyjar hvort sem er með flugi eða ferju.  Eyjamenn og gestir þeirra eru samt háðir duttlungum veðurguðanna, þannig að margir, sem koma fljúgandi til Eyja, verða að fara sjóleiðina til baka.  Allt frá aldamótunum 2000, eða skömmu fyrr, hefur verið uppi hugmynd um gerð jarðganga til Eyja frá Landeyjasandi.

Oft, þegar veðurskilyrði gera átælunarflug ókleift, tekst minni flugvélum Flugfélags Vestmannaeyja að skjóta fólki til og frá Bakkaflugvelli í Landeyjum.  Flugið á milli tekur aðeins 6-7 mínútur.  Margir Eyjamenn geyma bíla sína við Bakkavöll.

Nánar um Vestmannaeyjar:  Jarðeldarnir 1973

Gönguleiðir:  Fjöldi gesta í Vestmannaeyjum dvelur þar í nokkra daga til að ganga um Heimaey.  Þeir njóta útivistarinnar í Nýjahrauni, kikja í Gaujulund, ganga með ströndinni og upp á Eldfell og Helgafell.  Síðan halda þeir suður á bóginn til að skoða Ræningjatanga, Klauf og Stórhöfða.  Margir fara í Herjólfsdal til að leika golf eða klífa Dalfjall og síðan Heimaklett.  Að þessu loknu bíða bátsferðir til nærliggjandi eyja, sem einnig er hægt að klífa.
.

Hótel Gistihús	Bænda- gisting	Farfugla- heimili	Tjald svæði	Sumar hús	Matsala	Bankar	Söfn	Áhugav. staðir	Sund laugar
Upplýs ingar	Golf vellir	Veiði staðir	Hesta leigur	Báts.- Ferjur	Snjó sleðar	Flug vellir	Áætl. bílar	Bíla leigur-	Bensín- stöðvar