Efri-Brú er bær í Grímsnesi.  Þar fæddist Reykjavíkurskáldið Tómas Guðmundsson (1901-1983).  Honum var reist brjóstmynd í borginni árið 1976.  Efri-Brú var hótel um tíma seint á 20. öld og síðan fékk Byrgið húsnæðið til afnota sem meðferðarstöð fíkla.  Forstöðumaður þess var ákærður fyrir margs konar misferli og Byrgið lagt niður.  Þá átti Götusmiðjan að fá húsnæðið, en það dróst vegna faraldurs veggjalúsa.  Öll húsgögn voru brennd (2007), en það dugði ekki til.

Bænhúsið að Efri-Brú í Grímsnesi er líklega minnsta hús í umsjón Fasteigna ríkissjóðs.  Böðvar Guðmundsson, fyrrum bóndi, byggði það eftir fyrirmynd sams konar húss, sem var á þessum stað á 15. öld.