Kambur í Breiðuvík á sunnanverðu Snæfellsnesi.  Eyrbyggja segir frá Birni Ásbrandssyni, sem þar bjó, og samskiptum hans við Snorra á Helgafelli vegna vinskapar við Þuríði Barkardóttur, húsfreyju á Fróðá, sem var hálfsystir Snorra.  Svo fór, að Björn Breiðvíkingakappi hvarf brott með kaupmönnum og ekki bárust neinar fréttir af honum lengi.  Löngu síðar bar íslenzka farmenn að ókunnu landi fyrir vestan haf.  Þar hittu þeir landa sinn, sem bað þá fyrir gjafir og kveðjur til húsfreyjunnar að Fróðá.