Steinsstaðir eru eyðibýli í Tungusveit í Lýtingsstaðahreppi, sunnan og austan Reykja.  Sveinn Pálsson (1762-1840), læknir og náttúrufræðingur, fæddist þar.  Hann var iðinn við rannsóknir á náttúru Íslands og ritstörf og var læknir góður.  Báðar greinar nam hann við háskólann í Kaupmannahöfn.  Árið 1791 lauk hann prófi í náttúrufræði og ferðaðist um Ísland til 1795 á vegum Naturhistorie Selskabet í Danmörku.  Hann varð læknir í austanverðu suðuramtinu 1799 og starfaði þar til 1833.  Lengstum bjó hann í Suður-Vík í Mýrdal við nauman kost..  Embættið var erfitt vegna vegalengda og erfiðra ferðalaga.  Ferðabók hans (1945) er mest ritverka hans.  Þar eru ritgerðir og dagbækur áranna 1791-97.

Jarðhiti er við Steinsstaðalaug, þar sem Jón Kærnested (1798-36) kenndi fyrst sund árið 1822.  Árin 1943-48 voru reist tvö nýbýli og heimavistargrunnskóli fyrir börn.  Hann er orðinn að 8 bekkja heimanakstursskóla,  Sundlaug úr plasti er við skólann.  Steinsstaðabyggð stækkaði í tengslum við þessa starfsemi og heita vatnið er notað til húshitunar.  Bókasafn og stór gróðurhús voru einnig byggð.  Á sumrin er rekið gistiheimili fyrir ferðamenn.