Varmaland er var heimavistarskóli, nú heimanakstursskóli fyrir 10 bekki grunnskóla í Stafholtstungum.  Hann er við Stafholtsveggja- eða Veggjahver á miklu lághitasvæði.  Skömmu fyrir aldamótin 1900 var þar húsmannsbýlið Laugaland og þá var hlaðin sundlaug, þar sem sund var kennt árum saman.  Húsmæðraskóli Borgfirðinga á VArmalandi var reistur á fimmta tugi 20. aldar.  Þar lét Samband borgfirzka kvenna til sín taka eftir stofnun þess 1946.  Sýslurnar og ríkið ráku skólann til 1978 í sameiningu en síðan ríkið eitt.  Húsmæðraskólinn á Varmalandi var nafnið eftir það.  Stundum var húsnæðið notað sem veitinga- og gistihús og einnig sem hressingar- og hvíldarhæli.  Heimavistarbarnaskóli starfaði frá 1954, en ú er þar 10 bekkja grunnskóli.  Þarna er sundlaug og héraðsheimilið Þinghamar var byggt á staðnum á níunda áratugi 20. aldar.  Íþróttahús var einnig reist á kostnað nærliggjandi hreppa.

Garðyrkjubýlið á staðnum nýtur Stafholtsveggjahvers fyrir mikla gróðurhúsarækt og litla verzlun.  Á sjöunda áratugi 20. aldar var fyrsta svepparækt á landinu hafin á Laugalandi.