|
VATNAJÖKULSÞJÓÐGARÐUR
 Vatnajökulsþjóðgarður
var stofnaður 7. júní 2008. Hann nær í upphafi yfir 12.000
ferkílómetra svæði (12% landsins).
Hann er þegar við stofnun hinn stærsti í Evrópu. Hinn 10.
nóvember 2006 samþykkti Alþingi frumvarp um stofnun hans síðla árs
2007 eða í upphafi árs 2008. Hann nær yfir þjóðgarðana
Skaftafell og Jökulsárgljúfur og næstum allan Vatnajökul og
áhrifasvæði hans, Hágönguhraun, Veiðivatnahraun, Vesturöræfi, Snæfell,
Eyjabakka og hluta Hrauns norðan jökuls. Mestur hlutil lands
innan þjóðgarðsins er ríkiseign.
Stjórn þjóðgarðsins nær einnig yfir nokkur náttúruverndarsvæði, sem
verða líklega hluti hans í framtíðinni. Langasjávarsvæðið varð hluti þjóðgarðsins
árið 2010. Mörkin liggja í beinni línu eftir Breiðbak, en ná
ekki alveg að Tungnaá. Lakagígar voru hluti Skaftafellsþjóðgarðs
við sameininguna við Jökulsárgljúfur. Eftir stækkunina 2010
mælist hann u.þ.b. 13.700
ferkílómetrar eða 13-14% af flatarmáli landsins.
Gestastofur þjóðgarðsins eru í
Ásbyrgi, við
Mývatn, að
Skriðuklaustri, á
Höfn,
í
Skaftafelli og
Kirkjubæjarklaustri.
Aðsetur landvarða
Vatnajökulsþjóðgarðs
eru við
Drekagil í
Dyngjufjöllum, í
Herðubreiðarlindum,
Kverkfjöllum,
Hvannalindum,
við
Snæfell, á
Lónsöræfum, á
Heinabergssvæðinu,
við
Hrauneyjar, í
Nýjadal/Jökuldal og í
Vonarskarði. |
