Dalvík er fallegur fiskibær á vesturströnd lengsta fjarðar landsins, Eyjafjarðar. Lífið þar er ekki bara  fiskur, því að það er líka stundaður blómlegur landbúnaður  í Svarfaðardalnum.  Það er stutt á fiskimiðin frá Dalvík og umhverfið svíkur engan. Báturinn er sérbúinn til sjóstangaveiði og veiðiáhöld eru um borð. Aflinn er eign veiðimannanna og það er hægt að grilla hann að veiði lokinni.

Dalvík er 44 km norðan Akureyrar og 414 km frá Reykjavík um Hvalfjarðargöng.