Það er varla hægt að komast lengra frá ys og þys borgarlífsins til að njóta lífsins í dásamlegu og friðsömu umhverfi Strandasýslu. Djúpavík er meðal afskekktustu og minnst heimsóttu staða landsins, enda eru vegirnir þangað aðeins opnir nokkra mánuði á ári.  Báturinn, sem er notaður til sjóstangaveiði og skoðunarferða, er vel útbúinn með veiðitækjum og öllu, sem til þarf. Aflinn er eign veiðimannanna og er matreiddur að þeirra ósk á hótelinu. Einnig er hægt að fara á alvöru hákarlaveiðar.

Hótel Djúpavík er í 358 km fjarlægð frá Reykjavík um Hvalfjarðargöng.