Fiskivötn eru í Bæjarhreppi í Strandasýslu. Þau eru 1,2 km², grunn og í 260 m hæð yfir sjó. Lækur fellur úr þeim til Hvalsár í norðri. Vegur til þeirra er enginn, en 6 km ganga frá Hrafnsdal.

Geysimikið er af fiski í þeim. Bleikjan er fremur væn og lík djúpbleikjunni í Þingvallavatni að því leyti, að innyflin eru gróin út í holið. Sagt er, að örlítið sníkjudýr valdi þessu, en það hefur ekki áhrif á vöxtinn og bragðgæði. Veitt er svolítið í net og himbrimar fiska líka.

Vegalengdin frá Reykjavík er u.þ.b. 235 km og 35 km frá Brú í Hrútafirði.