Hnúksvatn er í Jökuldalshreppi í N-Múlasýslu. Það er 0,72 km² og í 595 m hæð yfir sjó. Lítið sem ekkert vatn rennur til þess ofanjarðar, en frárennslið er Hnúksá, sem fellur til Jökulsár á Brú.

Jeppaleið liggur til vatnsins, sem er í lægð á milli fjalla, Kiðufell í norðri og Þórfell í suðri. Sæmilegasta bleikja er í vatninu. Eigendur stunda netaveiði í vatninu.

Vegalengdin frá Reykjavík er u.þ.b. 624 km um Hvalfjarðargöng og um 70 frá Egilsstöðum.