Þessi vötn eru í Hrófbergshreppi í Strandasýslu. Hrófbergsvatn er 0,27 km², mjög djúpt og í 161 m hæð yfir sjó. Fitjavatn er 0,1 km², grunnt og í 166 m hæð yfir sjó. Vötnin eru tengd með læk.

Umhverfið þykir mjög fagurt og vel gróið. Búseta var við Fitjavatn. Mikið er af góðri bleikju í vötnunum, 1-3 pund, og áður var þar jafnan veitt í net. Vötnin voru gjöfult forðabúr fyrir fólkið. Helst er beitt flugu og spón.

Vegalengdin frá Reykjavík er 285 km um Hvalfjarðargöng og 11km frá Hólmavík.