Ísafjörður er oft nefndur höfuðstaður Vestfjarða. Ýmiss konar afþreying er í boði, s.s. djúpbáturinn Fagranes, sem fer reglulegar ferðir með farþega og bíla um Ísafjarðardjúp, einnig reglulega ferðir til Aðalvíkur og Hornvíkur.

Pollurinn í botni Skutulsfjarðar er mjög áhugaverður staður til strandveiði. Þar er boðið upp á fría veiði, þar sem sjóbleikjan bíður oft átekta nálægt árósum til að komast til heimkynna sinna. Ísafjörður er 488 km frá Reykjavík um Hvalfjarðargöng. Flugtíminn frá Reykjavík er u.þ.b. 45 mín.