Krókavatn er á Fellsheiði, 5 km frá botni Finnafjarðaar inn af Bakkaflóa. Eins og Þernuvatn er það á sýslumörkum. Það er 0,56 km², nokkuð djúpt og í 166 m hæð yfir sjó. Veiðileyfin gilda aðeins í hluta þess, sunnan við Lambatanga. Krókavatnsá fellur úr því til Finnafjarðar. Hámarksstangafjöldi á dag er 6.

Þarna veiðist vatnableikja og urriði að jöfnu. Bezt er að veiða í stilltu veðri frá syðri bakka vatnsins. Við vatnið er hús, sem er gott að nota, þegar kalt er í veðri. Þjóðbraut lá áður rétt norðan vatnsins en nú er þjóðvegurinn allfjarri.  Vegalengdin frá Reykjavík er um 656 km og 20 km frá Þórshöfn.