Langavatn í Skagahreppi í A-Húnavatnssýslu er stærsta stöðuvatnið á vestanverðum Skaga, norðan Skagastrandar og austan Hofs.  Það er 3,5 km², grunnt og í 207 m  hæð yfir sjó.  Fjallabaksá rennur í suðurenda þess en frá því rennur Langavatnsá gegnum Skjaldbreiðavatn, þar sem veiðileyfi eru ekki seld almenningi. Neðst heitir áin Fossá og hún steypist fram af Króksbjargi í sjó fram.  Bílfært er að vatninu, en ella verður að ganga 5 km.  Mikið er af góðum fiski í vatninu, bæði urriði og bleikja, 1-3 pund.

Hægt er að aka að vestanverðu Langavats um vegaslóð frá Steinnýrarstöðum á 4x4 bílum

Svefnpokagisting er að fá í Skagabúð.
S: 452-2745.

Vegalengdin frá Reykjavík er 324 km (42 km styttri um Hvalfjarðargöng) og 15 km frá Skagaströnd.