Þessi vötn eru í Ögurhreppi í N.-Ísafjarðarsýslu. Neðravatn er i 40 m hæð yfir sjó, 0,34 km². Efravatn er miklu minna og í 280 m hæð yfir sjó. Í því er fiskur en lítið veitt. Ögurá rennur í gegnum bæði vötnin niður í Ögurvík. Þótt fiskur væri í Öguránni, voru vötnin talin fisklaus. Árið 1951 var urriðaseiðum úr ánni sleppt í vötnin en ekki athugað um árangurinn fyrr en árið 1980.  Þá var lagt net í Neðravatn og það fylltist strax af fiski, hinn stærsti 7 pund og hinn minnsti 1½ pund. Jeppafært er að Neðravatni vestanverðu. Umhverfið er fagurt og grösugt. Þar var heyjað fyrrum. Ögur er frægt höfuðból. Þar átti heima þórdís sú, er Þormóður Kolbrúnarskáld sat á tali við. Einn frægasti höfðingi, er þar hefur setið, var Ari sýslumaður, sá er kom á herskyldu á Íslandi til varnar ránskap erlendra sjómanna.

Á Garðstöðum bjó Galdra-Leifi. Margar kátlegar frásagnir eru til um samskipti hans við Ara sýslumann. Vegalengdin frá Reykjavík er u.þ.b. 358 km um Hvalfjarðargöng og 118 km frá Ísafirði.