Rekavíkurvatn er í Sléttuhreppi í N.-Ísafjarðarsýslu. Það er 1,6 km², nokkuð djúpt og í 1 m hæð yfir sjó. Við suðausturenda þess er Hálsavatn og Skammá á milli. Best er að komast að vatninu frá sjó að Látrum, sem eru í eyði.  Vegur liggur þaðan yfir hálsinn til Rekavíkur, en honum hefur ekki verið haldið við í lengri tíma. Þriggja stundarfjórðunga gangur er þessa leið. Í vatninu er ½-4 punda bleikja og sjávarfiskar, þyrsklingur, ýsa og síld. Ágæt veiði er líka í Hálsavatni. Fjöldi stanga er ekki takmarkaður.