Stöðuvötn og manngerð lón eru hér um bil óteljandi á Íslandi. Í flestum þeirra er silungur, ýmist bleikja eða urriði og sums staðar hvort tveggja auk þess sem lax finnst á stöku stað. Það er heillandi kostur fyrir fjölskyldur að eyða nokkrum dögum við falleg  veiðivötn. Margir góðir veiðimenn stigu sín fyrstu skref á veiðibrautinni við silungsveiðivötnin.

Fjöldi þessara vatna er frábær til veiði og sums staðar er algengt að veiðist 6-8 punda urriðar og bleikjur.  Fuglaskoðun er skemmtileg aukabúgrein við stangveiðina. Áhugasamir veiðimenn eru oft meðal mestu og bestu fuglaþekkjara vegna hins mikla fjölda fuglategunda á þessum slóðum.